⚠️ TƏLİMDƏ QEYDİYYATDAN KEÇMƏDƏN ƏVVƏL BUNLARI NƏZƏRƏ ALIN⚠️

​

Bu səhifədə yazılan məlumatları diqqətlə oxumağınız tövsiyə olunur. Təlimdə qeydiyyatda keçməklə iştirakçı bu şərtləri qəbul etmiş hesab edilir.

​

(1) Dərslər EYNİ VAXTDA-paralel canlı yayımlanır. Onlayn iştirakçılara dərsə keçid vasitəsilə qoşulub iştirak edirlər, suallarını verə bilirlər. Əyani iştirakçılar təlimçinin iştirakı təqdimatı təlim məkanında televizordan, onlayn iştirakçılar isə qoşulduqları cihazdan (mobil telefon, kompüter, tablet və s.) izləyirlər (veb kamera açılmır). Onlayn iştirakçıların suallarını hər kəs eşidə bilir, əyani iştirakçıların suallarını onlayn iştirakçılar bəzi hallarda tam eşitməsə də təlimçi sualların bir qismini səsləndirib cavablayanda onlayn iştirakçı bunu eşidə bilir. Əyani iştirakçılar da istədikləri vaxt onlayn qoşulub dərsdə iştirak edə bilər. Dərs zamanı yalnız təlimçinin danışıqlarının eşidilməməsi ilə bağlı hal olduğu təqdirdə onlayn iştirakçıları üçün əvəzləyici dərslər təşkil ediliir. 

​

(2) Bütünü dərslərin video qeydləri, həmçinin bütün təqdimat təqdim olunmur. Təqdim olunmuş videoqeydlərə giriş 1 aydan sonra bağlanır. 

​

(3) Sertifikat sizin bu təlimdə iştirakınızı təsdiq edən sənəddir, ölkəmizdə dövlət satınalmalı sahəsində dövlət tərəfindən tanınan heç bir sertifikat yoxdur. Dünyada satınalma sahəsində tanınan bir neçə sertifikat var (məsələn CIPS, ISM və s.) lakin bunların heç biri Azərbaycanda tətbiq olunan dövlət satınalmaları prosedurlarını əhatə etmir, ümumi satınalma prosedurlarını öyrədir. Təlimdə iştirak edənlər və ya etməyənlər öyrəndiklərini yoxlamaları üçün İmtahanda iştirak edə bilərlər. Bu imtahanda təlimlərdə iştirak edərək 50%-dən yüksək nəticə toplayanlara "Tamamlama sertifikatı", sadəcə imtahanda iştirak edənlərə isə "Müvəffəqiyyət sertifikatı" verilir. "İştirak sertifikatı" ilə müqayisədə "Tamamlama sertifikatı" və ya "Müvəffəqiyyət sertifikatı" sizin real biliyinizin ölçməyə imkan verir. TST və ya istənilən digər kurslar tərəfindən təşkil edilən və hər hansı imtahan ilə bilikləri ölçməyən, sadəcə təlimdə fiziki iştiraka görə verilən istənilən sertifikatın real faydası olmur (yəni heç kim sizə "filan sertifikatın varsa gəl işlə" deməyəcək, "gəl görüm nə öyrənmisən" deyəcək.). Sadəcə ödəniş edib, heç bir dərsdə iştirak etməyənlərə sertifikat verilmir!

 

(4) Satınalma predmetini satın alan dövlət orqanları, büdcədənkənar dövlət fondları, dövlət adından yaradılan publik hüquqi şəxslər, paylarının (səhmlərinin) nəzarət zərfi dövlətə məxsus olan hüquqi şəxslər və digər dövlət müəssisə və təşkilatları (idarələri)

​

(5) Yeni başlayanların təlim materiallarını daha yaxşı mənimsəyə bilmələri üçün qanunvericilik ilə əvvəldən tanış olub bütün qanunvericilik sənədlərini bilən şəxslər 2 dəfə oxumalıdırsa yeni başlayan ən az 3 dəfə oxumaqları şərtdir, bunu etmədikləri təqdirdə bu təlimdə iştirakları faydalı olmayacaqdır, iştirak etməmələri tövsyə olunur (buna görə məsuliyyət daşımırıq)! Bundan başqa bu təlimdə bir çox halda bu sahədə az və ya çox təcrübəli şəxslərin iştirak etdiklərini nəzərə almaqları xahiş olunur. Həmin şəxslərin sadəcə 1 dəfə bu təlimə qatılmaqla hər hansı təcrübə olmadan bütün prosedurları müfəssəl mənimsəyib tətbiq edə bilməklərini gözləməmələri tövsiyə olunur. Satınalma geniş sahədir bu sahədə peşəkarlaşmaq istəyənlərin davamlı öz üzərində çalışması labüddür! Nə ölkədə, nə də dünyada heç bir təlim satınalmanı 16-20 saatlıq dərs ilə öyrədə bilməz, bunu etdiklərini deyənlərə etibar etməyin! Qanunvericilik sənədlərinin oxunmasına dair tələbləri yerinə yetirən yeni başlayanlar dərsləri yaxşı mənimsəmələri üçün dəstək göstərilir, o cümlədən dərslərdən sonra əlavə sualları yazılı olaraq təqdim etdiyi təqdirdə cavablandırılır.